小虎Sir自3月重返警隊已有半年時間，並重拾教授空手道嘅職責，喺佢教過學生裡面有唔少都表現出色。其中有一位學生韓世杰，就成功從警察學堂畢業，並勇奪薛富盃及銀笛！叻仔，名師出高徒呀！

原來，25歲嘅韓世杰係小虎Sir 2013年為元朗區少年警訊開辦空手道班嘅首批學員，佢對小虎師父印象深刻，話除咗教佢哋空手道之外，仲會分享佢處理案件時嘅經歷，「灌輸正確價值觀，以免誤入歧途」。

得到小虎師父悉心栽培，韓世杰不僅在本地賽事獲得獎項，更曾於日本的空手道比賽奪金。3年前師父身受重傷時，當時讀緊大學嘅韓世杰謹聽囑咐，代師父教授空手道課程，就喺嗰陣，佢立定決心要加入警隊，希望好似師父咁為市民服務，維護社會治安。知道徒弟有呢份心意嘅小虎Sir，喺休養期間亦有幫佢準備體能測驗及面試，結果韓世杰首次報考即獲警隊取錄。韓世杰話，好感激小虎師父對佢嘅教誨，令佢喺學警訓練課程中取得佳績，獲得好大進步。

至於上年升任警長嘅小虎Sir，佢表示會喺刑偵方面發展。支持小虎Sir，支持新紮師兄韓世杰，有你哋守護香港社會，市民安心！

原圖：警聲

https://www.police.gov.hk/offbeat/1217/chi/