據說特區政府建議將今年9月3日定為國家抗戰勝利70周年紀念日，建制派議員普遍贊成。自由黨議員田北俊表示，由於今次是全國性假期，亦只得一次，相信反對聲音不大。飲食界議員張宇人稱，如果只是今年加一天假期，相信業界及員工可以適應到。工聯會議員王國興更爆出金句，指有關假期只是「今年有一日」，並非「年年有今日」，期望政府可考慮定為恆常勞工假，「年年有今日」就最好。

有趣的是，面對這個突如其來的假日，泛民議員又想要，又要反，挖空心思都要揾啲嘢來批評吓。例如民主黨議員單仲偕指，這明顯是「政治假期」，多過惠及勞工；工黨議員李卓人立即附和，說今次是「政治假期」，僱主為了政治正確，可能都會支持。

隻抽俠查返香港的假期分類，大致可以分為「傳統節日」、「宗教假期」和「紀念日」，勝利70周年紀念日屬於第三類，從來未聽過乜嘢「政治假期」。而就算真有「政治假期」呢回事，都冇理由因為政治立場而反對㗎，正如李卓人自稱天主教徒，會不會因此拒放佛誕假？

其實對廣大打工仔來講，管他政治不政治，有假放就最實際！9.3放假要經立法會通過才生效，呢一鋪，你估班泛民議員肯唔肯「袋」呢？