近日BBC爆料，台灣移民署喺1月3日發布「港澳居民不得從事活動一覽表」， 列出九項港澳居民不得從事嘅活動，當中包括不得參加遊行、抗爭、演說等帶有政治色彩嘅公眾活動，就連接受媒體邀請、上節目發表意見都唔得。雖然有關公告一出即縮已經撤回，台灣方面話事件係「誤植」，真係信不信由你。 

公告冇寫明「港澳居民」嘅定義，未知係僅限喺台灣逗留嘅入境人士，定係包括埋移居台灣嘅港澳人士，但唔少移台黃友已經嬲爆，鬧民進黨政府過橋抽板，搞「假民主」。 

台灣陸委會回覆傳媒查詢時講到，港澳居民來台須遵守台灣法律，移民署當晚已移除呢份公告嘅頁面，至於未來有無類似列表供港澳居民參考，尚在討論中。即係話「九不得」公告絕非空穴來風，好可能係用嚟試水溫，話唔定日後會正式出台。嗱嗱嗱，移民台灣嘅黃友，祝你好運喇！ 

近年唔少黃友移居台灣，點知申請定居嘅時候被台灣當局處處刁難，成功獲批比例極低，好多人先猛然驚覺中伏，難怪有人感歎被蔡英文政府「用完即棄」。據台灣移民署最新統計數據顯示，近年移居台灣嘅香港人越嚟越多，但成功獲批定居嘅就好少。2021年有11,173港人獲居留許可，比2020年增加360人，但只有1,685港人獲定居許可，僅比2020年增加咗109人。 

連condom都不如

諗返起黑暴期間，唔少台灣政客口口聲聲支持黃營，蔡英文仲多次表態「與香港人在一起」。但俗話講得啱：「路遙知馬力，日久見人心」，蔡英文係聖人定係騙子，終歸逃唔出時間嘅考驗。今次民進黨當局考慮推出「九不得」辣招，可以話連最後嘅遮醜布都剝埋，等同赤裸裸咁同班移台黃友講：「咩支持民主、自由，呃你哋咋，懵炳！」當日如果唔利用香港嘅政治紛爭，抹黑「一國兩制」，蔡英文又邊有咁順利連任呢？ 

喺民進黨眼中，既然已經「計劃通」，香港黃友失去利用價值，condom用完梗係要拋棄啦！本來喺台灣做個定居唔成嘅condom都仲有基本嘅「自由」，但如果「九不得」禁令他日真係實施，班移台黃友好可能連最後嘅「自由」都冇埋，真係連condom都不如，比起流亡歐洲多國嘅烏克蘭難民仲衰多幾錢重。所以，稱呼佢哋為「二等難民」就最啱啦！ 

究竟移台黃友嘅下場會係點？我哋一於食住花生，慢慢睇啦！ 

原圖：素材網