公民黨好大機會過唔到年，好嘢！公民黨下月17日召開周年大會改選執委會，但目前7名執委冇人話想繼續做。公民黨主席梁家傑話，如果新一屆執委會年底前未能產生，就會議決將公民黨清盤。他更灰爆表示，現屆執行委員會已經開始研究及部署，需要清盤時的相關程序，似乎早已「打定輸數」。

梁家傑表示，若屆時沒有新一屆執委會接棒，現屆執委會將於周年大會後成為臨時執行委員會。臨時執委會將召開非常黨員大會，議決是否將公民黨有限公司清盤。非常黨員大會的召開門檻很低，只需20名黨員出席便可舉行；解散議決則需要四分之三出席黨員同意便可通過，即是最少只要15人同意，公民黨就可以收檔。梁家傑補充，公民黨目前約有300多名黨員，但很多人都沒有交齊會費；但黨員只要在大會上補足會費，就有投票權。

梁家傑在社交平台發帖，提到自己在黨總部親手把周年大會的開會通知入信封付郵，也同時給黨友送出「主席家書」。他說在離開總部時有萬千思緒，不期然想起蘇軾《定風波》的一句「回首向來蕭瑟處，歸去，也無風雨也無晴」。

冇咩人交會費，又冇人肯接爛攤子，公民黨都冇存在價值囉！摺埋咪幾好，梁家傑唔使因為冇人冇物而頭痕，市民又開心，皆大歡喜，哈哈！

原圖：星島日報、公民黨facebook

https://std.stheadline.com/realtime/article/1466137

https://www.facebook.com/photo/?fbid=547906623366822&set=a.547906573366827