令更多香港年輕人認識內地，了解內地，香港媒體應該要有所作為！全國政協副主席梁振英（CY）尋日（28日）出席香港資深傳媒人員聯誼會主辦嘅講座時表示，香港媒體應該發揮好自身嘅作用，深入分析二十大報告，融入國家發展大局，仲要更好地引導香港年輕人內地嘅真實發展情況上，令佢哋投身更廣闊嘅內地，一展所長。

梁振英表示，香港媒體應該喺二十大報告方面更多著墨，令香港市民特別係年輕人對國家發展方面多加關注。CY仲話，香港社會要建立起「主人翁」心態，咁樣先會對香港長遠發展大有裨益。

對於近來備受關注嘅香港年輕人未來發展問題，CY表示，如果要令更多港青投身到內地發展，香港媒體要發揮好作用，講好中國故事。佢話，港媒可透過報道，引導港青了解到內地現今嘅快速發展情況，令香港年輕人對前往內地發展產生興趣。

支持CY！內地市場廣闊，選擇多多，只要香港年輕人對內地有更深入嘅了解，就可以吸引更多港青前往內地大展拳腳！

圖：新華社、主辦方提供