升中派位今日放榜，雖然大多數小六生都獲派首三志願，但當然仍有人唔滿意，嗱嗱臨去心儀學校「叩門」。其中傳統男校九龍華仁書院門外，今朝九點就已經有十幾名學生同埋家長想嚟搏吓啦！其中一位姓周嘅同學，就話想以特首李家超做目標，將來成為名人，為校增光。
九龍華仁書院係李家超嘅母校，佢當年亦以優異成績於該校畢業。如今呢位知名校友已為特首，更令唔少學生對九華更趨之若鶩。周同學雖獲派第二志願，但依然希望可以入到九華；除咗因為佢想成為李家超「師弟」外，更因佢認為九華擁有「全港最好的足球場」，熱愛足球嘅佢，亦相信喺九華讀書，可令佢喺學術同運動方面都有均衡發展。
呢位同學相當有志氣，祝佢叩門成功，夢想成真！
原圖：九龍華仁書院網站、李家超facebook
https://www.facebook.com/johnleekachiu/photos/a.112450498180573/112450514847238/
投票已截止，多謝支持
返回
