香港監察昨日（14日）喺Facebook上發帖表示，佢哋收到警方國安處嘅警告信件，指其網站涉違《港區國安法》第29條「勾結外國或者境外勢力危害國家安全罪」，並要求佢哋喺72小時內刪除網站，否則採取進一步行動。同時亦警告「香港監察」行政總監，可能面臨3年監禁或10萬港元罰款。

面對指控同72小時限時死線，「香港監察」創辦人兼執行總監羅傑斯，接受傳媒訪問時，揚言唔會關閉網站，又話倘若唔係技術故障，而係香港市民將因為國安法，而無法再瀏覽呢個網站，咁係對網路自由嘅嚴重打擊，佢又話咁係威脅外國NGO，證明《港區國安法》嘅危險性，又強調會繼續為香港人民發聲，誓言唔會噤聲云云。

而多國政客亦隨之發出聲明批評事件，「香港監察」贊助人之一前港督彭定康更講呢啲，批評國安處嘅信件係「可恥例子」，又話事件證明：「俄羅斯總統普京嘅北京朋友同香港叛徒，嘗試扼殺香港言論同資訊自由，並將缺乏理據、自由同誠信嘅行為，蔓延至國際社會」云云。

講咁多做咩呢？有無違法警方國安處自然會嚴查處理，支持查清違法事實，犯罪必究！

原圖：星島日報

https://image.stheadline.com/f/680p0/0x0/100/none/50ab28ee2084a6ed9b8059825ed4c050/stheadline/inewsmedia/20220314/_2022031411050859700.jpg