當特朗普卸任美國總統，世界將會少咗好多笑話？向來以「沒有人比我更乜乜物物」自傲的侵侵總統，繼續示範如何犯眾憎。
事緣佢親自執導煽動粉絲圍砸國會，引發國內外萬炮齊轟，美國眾議院通過彈劾侵侵，令佢成為美國史上第一個被兩度彈劾嘅總統。
咁都未算，一堆美國官商爭相杯葛侵侵名下商業團。例如紐約市長白思豪話到明，該市將會切斷同侵侵集團嘅商業聯繫，終止所有共同合同。而喺學術界，有學校更剝奪侵侵嘅名譽學位。
高爾夫球界亦落井下石，美國職業高爾夫球員協會（PGA）宣布明年冠名比賽唔會同用新澤西州貝德明斯特嘅特朗普國家高爾夫俱樂部。另外英國亦有高球組織話喺可見將來，英國嘅公開賽都唔會用侵侵旗下嘅高球場喎。
話時話，侵侵臨落台都仲有能力創下咁多歷史，究竟佢呢啲係叫「名垂青史」定係「遺臭萬年」呢，真係好難答呀。點都好，出得嚟行預咗要還，唔只要恭喜侵侵，仲要恭喜美國中出了這麼一件極品呀！
原圖：Donald J. Trump Facebook
https://www.facebook.com/DonaldTrump/photos/10163689098635725
投票已截止，多謝支持
返回
