英國求職網Adzuna推出一個叫「ValueMyCV」的程式，只要上載履歷表，運算後就會得出你的應得薪金，吸引不少打工仔爭住玩，測測自己值幾多人工。 至於班泛民政客「市價」又值幾多錢呢？好多人都想知。隻抽俠精選三位泛民議員，用他們已公開的資料製成簡歷，然後上載ValueMyCV，得出來的結果是……   梁國雄議員 學歷：中六 技能：整道具、抬棺材、拉布 嗜好：睇波、飲酒、煲煙、着陳年哲古華拉T裇 現職月薪：8萬7，另3萬醫療津貼、辦事處營運開支不超過224萬元 ValueMyCV認為：可在英國賺到年薪2萬3千鎊，折合港幣2.3萬月薪，相當於當地一名保安員。   陳偉業議員 學歷：加拿大社工碩士 技能：拉布，跟黃毓民搗亂議會，然後反面 嗜好：退黨、轉黨 現職月薪：都係8萬7啊納稅人！ ValueMyCV認為：可在英國賺到年薪2萬8千鎊，折合港幣2.8萬月薪。   李卓人議員 學歷：土木工程學士 技能：掟糯米雞、寫揮春 嗜好：戴Cap帽、食意式大餐 現職月薪：都話成8萬7一個月咯！ ValueMyCV認為：可在英國賺到年薪2萬9千鎊，折合港幣2.9萬月薪。   當然，英國嘅情況同香港唔同，例如交稅、物價都貴好多，不能一概而論。究竟佢哋值幾多？是否物有所值？還是留給大家自己判斷吧！ 網站：try.adzuna.co.uk/value-my-cv/