由今年區選到來年立法會選舉，泛民陷入「無才戰超選」的危機。

話說回頭，大家都知道立法會有五席「超級區議員」席位，由全港各區20多萬名選民選出，但參選人必先獲得區議員資格。為明年立法會選舉鋪路，今年泛民有四個明星級政客出戰區議會選舉，分別是現任超級區議員的民協馮檢基、民主黨何俊仁、涂謹申，以及公民黨陳家洛。

殊不知，以上四粒星有成三粒敗選墜毀，只剩下涂謹申一粒「孤星」。

再然後，問題便來了：超級區議員的五個席位，來年泛民還是否夠人出選？保住區議員席位的涂謹申參選應無懸念，但除他之外，民主黨是否還派得出另外一名似樣的參選者？夠唔夠班呢？

大狀黨會同傘兵合作？

正所謂蜀中無大將，廖化作先鋒都冇話唔得，正如敗掉陳家洛的公民黨，亦都可能派出其他知名度較低的區議員上場。但問題又來了：超選參選人需要獲得十五個區議員提名，公民黨自已只得十席，一向狗咬狗骨的泛民其他黨是否願意幫手？難道要高高在上的大狀黨員紓尊降貴求傘兵支持？他們願意嗎？

本來，民協是自己夠人提名的，無奈超選又講求全港性知名度，環顧民協諸君，除了落敗的馮檢基外，大家還識得哪個？搵邊個去參選？

眾裡尋他千百度，最後數到區選大勝，自己黨內都夠票提名的新民主同盟召集人范國威身上。不過有趣嘅係，新民主同盟選後又立即出來，實牙實齒話明唔選超選。泛民政客說的話，有幾成可信就見人見智啦！

最後，就算范國威最終出來同涂謹申一齊選，誰是出戰超選的第三人？

唔夠人呀陰功！