滿腦子「黃色思想」的影帝黃秋生，思考模式異於常人，發言亦是無定向導彈，早排先至力撐佔中龍小菌「高買無罪」，最近睇完大台頒獎，又失驚無神走出來狠批台上人「煲爛冬瓜」，訓示「國語係我哋呢行必需應用嘅語文，唱歌、演戲、返大陸掘金，點可以講到咁hea？」

網民：用人肉叉燒包塞住佢把口

不過咁，啲網民就似乎更加唔欣賞影帝。

可見大台網站有人發出「臭口影帝又發炮」的帖子，質問：黃秋生影帝在電視劇中說得是甚麼話？南腔北調、不論不類，演技浮誇、自以為是。人家杜月笙是上海大亨、說得滿嘴浙江紹興話，你身為影帝接戲也不做做功課，爛芋充數，將一代愛國梟雄演成泰國人妖。

網民daddeyaa批評：一D前輩應有風度都冇，自以為是，好黑人僧啫

幸運輪勸喻：好心佢有時間就檢討吓自己先啦

DK2反問：演員要演好角色, 不是比在頒獎台上說標準的普通話更重要嗎?

okchai建議：嘜ly個世界得黃伯識講普通話，叻唔切，識小小扮代表，佢連廣東話都未必讀正啦，應該用人肉叉燒包塞住佢把口

總之炒蝦拆蟹，下省留言數百字......

酸溜溜批判，苦DeeDee認衰？

其實老黃咁黃，好似返大陸掘金、唱歌、演戱呢啲，佢批評嘅台上人就可能有份，批評人嘅佢就應該全部冇份，普通話講得好又怎樣？一要黃，冇路行，這似乎已是內地巿場嘅定律。究竟黃影帝是酸溜溜酸出「批判思維」，還是苦DeeDee公開認衰，希望求條生路行吓？鬼咩！你老兄佔中形象深入民心，就算北大人肯高抬貴手，廣大戲迷又是否願意接受？

解決方案=one way ticket to Hollywood？

黃老秋的下一歩，是否會買張單程機票去荷里活，看看自己的double誇張加惡演技能，再加嗰幾句唔咸唔淡嘅上海話，能否令他成為發哥第二？又或者同 Robert de Niro,Tom Hanks 和 Dustin Hoffman拍埋一齊，比較比較？

唉，吃不到的葡萄是酸的，賺不到的人民幣是痛苦的，望住但無人畀你的美金是冇望的，可惜發夢冇咁早，抵死。

原圖：無綫視頻截圖