肥仔獨友何俊謙，被踢出校後無所事事連日來不斷在Facebook上博同情，差不多日日post出扮感性，尋日講完咩「破壞公義」、「分化私怨」(請按此重溫)，今日又呻話被大學踢出校是「政治迫害」，然後諷刺地指「香港有希望」云云，仲吸引到唔少黃友留言安慰添。小編就覺得佢今次講嘅嘢錯唔晒喎，掃走咗學渣，香港的確有希望！

呻慘引黃友圍爐

廢青冇嘢做，多數會喺Facebook上無病呻吟，何俊謙亦唔例外，佢今日又喺Facebook亂噏話咩「大學高層政治迫害踢學生出校」，十居其九又係講緊自己啦！而一班黃友又真係會安慰佢，亦有人加入鬧埋一份，話咩「『東方之珠』已經名實存亡！」，又話「政府無能」，「欺凌弱小」，「禮崩樂壞」等等，睇嚟睇去，都似係鬧到冇嘢鬧，求其搵啲嘢嚟亂鬥一通當交差。 落得咁嘅田地，眾叛親離兼千夫所指，全因自己死唔認錯，搞到今時今日咁，何俊謙依然多次表示自己唔後悔，既然係咁，大家就繼續放長雙眼睇佢下場喇！ 原圖：SocREC社會記錄協會影片截圖

投票已截止，多謝支持