委內瑞拉亂局尚未平息，但美國總統特朗普似乎已經等唔切，急不及待將霸權魔爪伸向拉丁美洲其他國家！美國國家安全事務助理博爾頓(John Bolton)為主子侵侵傳話，公然恐嚇尼加拉瓜總統奧蒂嘉：「尼加拉瓜日子不多了。」雖未有多作解釋，但好明顯美帝已經將打起尼加拉瓜嘅主意，唔通又想搞顏色革命？

三反對派領袖被判長期監禁

侵侵今次又想用咩藉口插手他國內政？博爾頓就喺社交媒體twitter上講到明，與尼加拉瓜近日一宗判決有關。據悉，在尼加拉瓜去年的反政府示威中，三名反對派領袖殺死4名警方及1名教師，當地法院日前以涉嫌恐怖主義為由，判處三人159至216年監禁。

博爾頓曾點名攻擊尼加拉瓜

據俄媒《RT News》猜測，一場受美國所支持嘅政權顛覆，或隨時喺尼加拉瓜發生！據報道，美國早喺列根時期已花費大量資源，支持尼加拉瓜反政府武裝組織；上年11月，博爾頓亦於演講中多次惡意攻擊委內瑞拉同尼加拉瓜，而委內瑞拉依家情況係點，大家都好清楚！美帝再次濫用霸權力量，下個受害者，好可能係尼加拉瓜。

原圖：無綫新聞截圖