究竟啲好事之徒搞抹黑之前，可唔可以都做吓功課先呢？中國早已經講解過新疆培訓營嘅詳情同內部情況，然而啲別有用心嘅人好似長期都又聾又盲咁，點都聽唔入耳！今次又有「聾盲」記者喺外交部例行記者會問，對於國際間有百名學者要求就「新疆關押維族人」事件制裁中國，中國有咩睇法？小編心諗，呢個時候外交部發言人耿爽心裡應該反晒白眼，佢直接叫個記者睇睇過去中方發布嘅白皮書，自己仔細閱讀吓！

所做措施全為反恐

喺尋日嘅例行記者會中，又有一個唔做功課不過又想搞事嘅記者自以為好威威咁發言，話國際間有幾十個國家共278個學者要求就中國喺「新疆大規模關押維族人」一事上制裁中國，問中國對此有咩睇法？ 一班外交部發言人，對於呢啲問題絕對唔陌生，恐怕已經去到煩厭嘅地方。耿爽對於直截回應，中國喺近期已經好多次咁講明立場，又發布咗白皮書，叫夠記者自己返去仔細閱讀吓！他之後強調，而家新疆政治穩定、人民安居樂業，中國所採用嘅措施完全係出於反恐需要，叫啲外部勢力唔好再干涉新疆嘅事務，干涉中國嘅內政！ 講得好！好心就講吓功課先講嘢，如果唔係，無面嘅只會係佢哋自己！ 原圖：文匯報 http://news.wenweipo.com/2018/09/26/IN1809260051.htm

投票已截止，多謝支持