而家係開學季節，本來係學生完結暑假，重拾課本嘅好日子，然而卻有獨友竟乘機在校園播獨！港大學生會長黃程鋒同中大學生會長區倬僖先後喺大學開學禮中大講獨論，前者指梁天琦、馮敬恩等搞事友係「英雄」；後者竟然形容祖國為「北方帝國」同「相鄰國家」。二人今日接受電台訪問，不但唔知錯，仲要進一步話或會邀請香港民族黨陳浩天講港獨嘅可能。如此害群「獨」馬，校方應該要早日清除！ 區倬僖在節目中辯稱，「北方帝國」同「相鄰國家」字眼，唔係「挑機」，亦無侮辱性，而係大學生嘅「真實想法」。佢又話港獨係前途嘅選擇，唔應該成為言論禁忌，要多啲討論喎。究竟佢憑咩以一己身分代表所有大學生嘅想法？好心就唔好騎劫全香港大學生！唔係人人好似你咁獨囉。

妄言播獨=有勇氣？

另一位獨友黃程鋒就話，自己喺開學禮中提到嘅「叛逆的勇氣」，係想新生有挑戰所有事物嘅勇氣，又話接受唔到政府打壓港獨提出者。年輕人係要勇氣，但絕對唔係要是非不分、指鹿為馬！年輕並唔係犯事嘅擋箭牌！最離譜嘅係二人都話或會畀陳浩天進入校園播獨，雖然暫時未安排詳情，但會留意社會情況同相關事件發展。 FCC之後，又輪到中大港大為港獨搭台，獨友自己播獨不特止，仲要叫埋大獨友入校園。校方點可以坐視不理！ 原圖：香港電台影片截圖、大公報 http://www.takungpao.com/news/232109/2018/0728/194476.html

投票已截止，多謝支持