屈指一算，今個月28日就是違法佔中一年了，聽講有份發動佔中班友仔，例如雙學、民陣、傘兵同泛民，會大搞周年紀念活動。剛剛遇着啱啱，民陣昨晚就召開完第二次會議，但大家似乎都無共識，而且偏向各有各搞居多。新任泛民會議召集人何秀蘭還說，泛民在佔中期間只是扮演從旁協助角色，周年活動可否搞得成好睇民陣，講到佔中好似唔關佢事咁。點解佢講呢啲？ 記得近排與美國關係密切的壹傳媒創辦人黎智英，忽然接受自己友《壹週刊》獨家訪問時鬧爆雙學「寸到不得了」，又狂批雙學找民主黨何俊仁辭職引發「變相公投」的建議戇居，反問「輸咗你切腹呀？」至於學聯秘書長羅37和學民思潮召集人黃之鋒，日前又低聲下氣向傳媒承認佔領行動在政改上是「零成果」，加上「新龍頭」何秀蘭竟然講到佔中與泛民無關。

「飯盒會」改名因照顧外媒

隻抽俠忽然醒起，原來法院準備審黃之鋒等泛民中人，所以不排除班友仔在扮可憐博同情，況且11月就是區選，明年暑假是立法會選舉，令人質疑「泛民金主」黎智英同何秀蘭的講法，是企圖撇清佔中的責任。始終，立法會有票先最緊要，搞幾多、講幾多都無謂。 另外，何秀蘭又講到泛民決定將「飯盒會」改名「泛民會議」的原因，原來「飯盒會」翻譯成「lunch-box meeting」，泛民覺得難為了外媒，擔心外媒不明所以，總之講到好似為外媒服務，講到外國人都是無知婦孺一樣。其實，中央又好，港府又好，建制派都好，不時都話有部分泛民人士與外國勢力關係密切，甚至講到有勾結活動，好心何秀蘭你檢點下，不要隨便爆響口，講出心底話啦！ 原圖：星島日報 https://hk.news.yahoo.com/%E4%BD%95%E7%A7%80%E8%98%AD%E4%BF%83%E7%89%B9%E9%A6%96%E6%BE%84%E6%B8%85%E5%BC%B5%E6%9B%89%E6%98%8E%E8%A8%80%E8%AB%96-025500235.html

投票已截止，多謝支持