眼見港大副校爭議引起全城關注，不甘寂寞的前政務司司長陳方安生也來介入抽水。由忽然民主到忽然介入，而忽然介入當然係為咗忽然抽水......但係，唔知係咪因為年紀大、反應遲，港大副校爭議講咗咁耐，連黃衛兵衝擊校委會都發生超過半個月，陳太今時今日先來抽水，遲唔遲咗啲呢？ 話說陳方安生前日(17日)去信港大畢業生議會主席溫頌安，關注9月1日畢業生議會緊急會議使用授權票的情況，促議會盡力確保授權票的真確性，避免出現重複授權。她指出，以最高真確性的要求討論會議的有關事項，對大學的聲譽尤為重要，如果畢業生議會未能自行核對授權票有效性，應該委託有信譽的核數師負責，並認證投票結果。 卻說9月1日畢業生議會緊急會議上，將有多項動議，包括由立法會議員葉建源、校友張韻琪等人提出，要求港大校委會於30日內確認物色委員會對副校長的任命；取消特首擔任港大校監，而另一批校友則將提出支持早前港大十院長聲明的動議。 不過，有評論認為，在港大學生會衝擊校委會會議事件後未曾發聲的陳太，至前日才寫信給港大畢業生議會表達立場，只要求謹慎處理投票權，未有提及自己支持哪一批校友的建議，反應遲鈍之餘，亦難免令人覺得她立場「騎牆」。 圖：now新聞截圖