中東戰火有蔓延之勢！美國防長奧斯汀21日宣布加強係中東嘅軍事戒備，包括係區內部署薩德導彈防禦系統和更多「愛國者」導彈防禦系統，並向更多美軍發出「準備部署命令」，以應對「伊拉克及其代理人近期令局勢升級」嘅行動。美國國務卿布林肯亦承認，華府看到中東眼下戰爭升級嘅可能，佢將之歸咎伊朗及其代理人係區內嘅活動；以色列總理內塔尼亞胡警告，若伊朗支持嘅黎巴嫩真主黨係北開闢第二戰線，將面臨程度無法想像嘅反擊云云。

自以巴衝突以來，以色列擺明要乘機剷除哈馬斯武裝組織並控制加沙地帶，以絕後患；對此美國嘅態度有點猶豫，不是擔心以軍濫殺平民，引發人道災難；而係擔心徹底激怒阿拉伯世界導致大規模戰爭，令自己泥足深陷。更何況俄烏戰事持續逾600日，美國都未知仲要畀幾多個億美元軍援！美國自己財務纏身，唔通真係廿四小時狂印鈔票？

美國總統拜登形容支援以、烏兩國係世代保障美國安全嘅「明智投資」，幫助美軍「遠離傷害」。說到底，又係以美國為優先考慮，一如俄羅斯外部發言人扎哈羅娃所說，對美國而言，戰爭向來都係「明智投資」，因為戰爭不在美國土地上發生，美國根本就不在乎其他人承擔嘅代價！旨哉斯言，當今世界之所以亂成一窩粥，都拜美國嘅「明智投資」！哈馬斯控制嘅加沙衛生部20日聲稱，自以色列本月7日開始轟炸加沙地帶以來，當地至少已有4137人喪生！據悉，美國國防部把原來運往烏克蘭嘅數萬枚炮彈運回以色列，為以軍從地面加沙地帶等可能升級作準備。

事實上，有論者指拜登都係為一己私利，佢要尋求連任，就必須𥘵護以色列，事關美國猶太人係一股不容忽視嘅力量，是以無論民主黨或共和黨執政，都不敢得罪以色列，拜登更加不能待慢猶太人，皆因呢個族羣乃係民主黨票倉！

拜登雖然指出以色列若佔領加沙地帶，將是大錯特錯，之不過，佢大力支持並贊成剿滅哈馬斯，看似矛盾，究其因由，政客為一己私利，點會顧及乜嘢「人道主義」吖！以色列國防部長加蘭特22日表示，以色列即將對加沙走廊發動嘅地面攻勢，可能會持續3個月！若然，即使擊敗若干哈馬斯武裝分子，炮火無戰子彈無眼，而無辜嘅加沙平民肯定死傷枕藉。

加沙在哭泣，而政客卻認為係「明智投資」！天地不仁，以萬物為芻狗，寧不悲乎？

文章純屬作者個人意見，並不代表本報立場

原圖：Now新聞截圖