尊子漫畫又再無的放矢！《明報》1月5日刊登嘅尊子漫畫，指全國人大常委會最近就涉及國安法案件可否聘請外籍律師作出嘅釋法，令「特首可為所欲為」。對此，政務司司長陳國基喺社交網站貼文，批評有關漫畫嘅講法，係徹底錯誤兼完全誤導。

陳國基喺貼文指出，全國人大常委會對《港區國安法》作出嘅解釋具堅實法律基礎，而且今次嘅釋法堅持法治原則，無損法院獨立嘅司法權或公平審訊等基本人權。

佢同時強調，特區行政長官有維護國家安全法憲制責任，而且國安委由多名成員組成，國安委只會喺法院審理案件有需要時，例如遇到有關行為、證據係唔係涉及國家安全或國家秘密嘅時候，先至會發出證明書畀法院作認定，法院仍然擁有案件嘅終審權，判決結果亦唔會被特首左右。

其實道理一清二楚，只係香港有一少撮人硬係鐘意妖魔化人大釋法，同埋搵窿搵罅唱衰特首同特區政府，呢種誤導嘅風氣認真唔好。陳國基司長今次對有關漫畫公開直斥其非，鬧得好！

原圖：星島日報、港台圖片

https://news.rthk.hk/rthk/ch/component/k2/1663462-20220822.htm

https://std.stheadline.com/realtime/article/1897166/

https://www.singtao.ca/3911222/?variant=zh-hk