美國田納西州孟菲斯動物園向中國租借嘅一對大熊貓丫丫及樂樂，由於租借期即將屆滿，佢哋將於明年被送返中國。美國動物保護組織IDA(In Defense of Animals)曾多次指責動物園疏忽照顧丫丫及樂樂，要求動物園喺協議到期之後，盡快將呢對大熊貓送返中國，以令佢哋可以得到適當嘅照顧。

IDA表示，歡迎丫丫樂樂返中國，形容佢哋可以返回中國係一個「勝利」。IDA去年曾經上載影片，片中所見嘅呢對大熊貓身型瘦削，狀況欠佳，而且圍住自己居住嘅地方來回轉圈，IDA指係熊貓精神情緒出現問題，而丫丫更有皮膚問題。

事件曝光之後，引起好多人關注。孟菲斯動物園方面解釋，丫丫嘅皮膚問題係由於遺傳基因所致，否認係照顧不周。園方發言人亦表示將兩隻大熊貓送返中國嘅決定，同動物保護組織對佢哋嘅批評無關。

豈有此理！如果冇疏忽照顧，大熊貓點解會瘦骨嶙峋？如果真有「皮膚病」，孟菲斯動物園點解唔早啲尋求中國專家協助？真係辜負中國一片好心！

原圖：影片截圖

https://www.idausa.org/campaign/wild-animals-and-habitats/latest-news/memphis-zoo-pandas/