美國為咗遏制中國科技發展，所採取嘅手段真係越來越無所不用其極！15日，美國商務部又宣佈封殺36間中國科技企業，將佢哋納入「實體清單」，禁止美國公司向呢36間中企供應高科技產品及零部件，除非得到美國商務部嘅同意。美方指，呢啲中企會利用美國先進嘅人工智能等技術，支持中國軍隊現代化同埋「侵害人權」。

據美媒報道，今次被列入「實體清單」嘅中企包括晶片製造商嘅龍頭企業長江存儲，開發人工智能嘅寒武紀科技等。此外，北京華天海峰科技亦喺「實體清單」上，美媒指，佢喺中國去年嘅高超音速導彈試驗中發揮咗重要嘅作用。

但與此同時，美國商務部又同日宣佈將26間中國企業從「未經核實名單」中剔除，呢26間中國公司今後入口美國產品無需再接受額外審查與限制。

中國駐美大使館批評美國此舉，係公然喺科技領域上進行經濟脅迫及欺凌，除咗削弱中美企業之間正常商業活動，亦威脅全球晶片供應鏈嘅穩定，對此中方將堅決維護中國企業嘅合法權益。而喺12日，中國商務部亦已對外宣佈，中國已按照世貿機制，對美國有關嘅晶片出口限制措施向世貿（WTO）提起訴訟。

美國商務部對中企一邊封殺，一邊又解禁嘅做法，睇嚟好似前後矛盾，其實萬變不離其宗，目的只有一個，就係遏制中國科技超越美國。落後就要挨打，支持祖國科技人員自強不息，撐祖國反制美帝霸權！

原圖：星島日報

https://image.hkhl.hk/f/1024p0/0x0/100/none/12a4cec67d3ec4377897803ca75a8274/2022-12/1216003.jpg