支持重組中大校董會，讓中大管理回歸正途！3名身兼中大校董嘅立法會議員，包括張宇人、鄧家彪、劉國勳，計劃提出議員議案，要求修訂《中大條例》，並重組中大校董會。

議案嘅建議包括減少校董會內嘅校內成員比例，改為校外成員佔超過三分之二嘅多數；規定將來嘅校董會正副主席及司庫需由特首委任，而非現時由校董之間互選；並且提高校長及副校長通過門檻，由現時嘅在席半數校董同意，改為要全體成員四分之三支持。立法會教育事務委員會周五（16日）將討論有關建議。

中大發聲明指校董會12日舉行特別會議，對有關嘅建議進行討論，同意成立專責小組，進一步諮詢各持份者意見，並將盡快提交初步結果。

中大近期問題多多，突顯中大管治出現問題。今次3名議員提出嘅議案建議，係一個良好嘅契機，可以畀社會進行討論，幫助中大撥亂反正，絕對值得支持！

原圖：星島日報

https://std.stheadline.com/daily/article/2358097/