香港目前醫務人員緊缺，醫科生畢業留港行醫絕對係明智之選！港大醫學院16/17學年起推出「增潤學年」計劃，讓醫科生讀到三年級時可按興趣選擇到海外交流、實習或進行社會實踐。今年係首屆「增潤學年」醫科生畢業，其中一位曾經到英國嘅大學讀醫嘅港大醫學院應屆畢業女生接受媒體採訪時表示，佢無意移民，希望可以「留低服務港人」。抵讚！

今屆港大有61名畢業生利用「增潤年」修讀「增插學位」，喺獲得港大學位之餘，更可再多獲一個學位。其中現為婦科實習醫生嘅戴曉怡，利用「增插學位」嘅機會，用一年時間修讀咗英國布里斯托大學嘅臨牀醫學理學士學位，並喺當地進行過關於妊娠糖尿病相關嘅研究。戴曉怡表示，雖然身邊唔少朋友不少都談及移民，但佢冇呢方面考慮，希望可以繼續「留喺香港」，「貢獻返香港市民」。

現任內科實習醫生殷浩翔表示，喺港大學嘅醫科知識，其實「最適合喺香港做返醫生」，現時，佢仍兼讀緊港大醫學研究碩士。

當年有份策劃「增潤年」改革嘅候任院長劉澤星表示，呢個計劃好成功，讓學生可以擴闊自己嘅眼界，並增長更多知識。

無論其他人點講都好，人生道路始終都係要自己揀，喺香港本地大學醫科畢業之後留港行醫絕對係明智嘅選擇！

原圖：星島日報

https://std.stheadline.com/daily/article/2476447/