教師失德問題備受關注！立法會教育事務委員會噚日（8日）討論教師操守議題，教育局副局長蔡若蓮喺會上透露，教育局喺2019至2021年共接到502宗教師涉嫌失德個案，由2019年起至今年4月，已取消27名失德教師嘅註冊，並向69人發譴責信及134人發書面警告。

委員會主席梁美芬問及會否就被定罪教師，或涉觸犯《港區國安法》教師，設立自動取消註冊機制。蔡若蓮就話，局方會就違法或失德教師審視其個案，再視情況決定相應懲處，如情節嚴重將終身停牌。佢續指教育局正制定一套新嘅教師專業操守指引，預計於今年內推出。

工聯會立法會議員吳秋北認為，教師質素需嚴格把關，直斥「一場黑暴幾乎斷送了幾代人、整個教育」，建議當局喺唔違反個人私隱下廣泛宣傳被取消註冊教師嘅案例，作為反面教材。

民建聯立法會議員周浩鼎就話，好多家長向學校投訴失德教師，都擔心子女被教師報復，希望當局設立保障投訴人嘅投訴平台。

對於以上幾位議員嘅建議，大家贊成嗎？

原圖：星島日報

https://std.stheadline.com/realtime/article/1628185