繼香港民意研究所副行政總裁鍾劍華近日走佬英國後，曾為黑暴分子打官司嘅英國籍律師韋智達（Michael Vidler），噚晚（25日）突然現身香港國際機場，漏夜離港飛往英國。

《文匯報》引述消息指，韋智達同前大律師公會主席夏博義（Paul Harris）關係密切，夏博義上月初被警方國安處「警誡會面」後連夜離港，有指韋智達擔心受牽連，所以噚晚匆匆離港。

香港律師會日前發布通告，收到韋智達律師行（Vidler & Co. Solicitors）的擬停止執業通知書，指該律師行計劃喺今年6月3日停止執業，但無透露停業原因。

據悉，韋智達律師行在反修例期間多次為黑暴打官司，曾代表爆眼印尼女記者Veby Indah向開槍警員提出私人檢控，但之後撤銷委託該律師行。另外，18歲女子X指控喺荃灣警署被數名警員「強姦」一案，韋智達律師行曾代表X發聲明回應警方。

一句講晒，冇犯法又使乜驚！韋智達咁心虛，莫非佢真係做過啲咩事，驚被夏博義連累，搞到要漏夜離港走佬英國？

原圖：星島日報

https://std.stheadline.com/realtime/article/1831989