再有黃友走佬英國！香港民意研究所副行政總裁鍾劍華噚晚（24日）喺Facebook宣布，佢噚日已乘飛機離開香港前往英國，並表明打算喺海外生活一段時間。鍾劍華聲稱一直沒有移民之念，仲話自己畢生職志同擔當都喺香港，但因唔想讓愛護、關懷佢嘅親人朋友，繼續為佢憂慮，更不願父母為可能發生喺佢身上嘅事而憂戚，因此「抱歉不辭而別」。

佢又話「當前嘅香港已容不下真心說話，只容許謊言與假話」，仲話「香港已經唔係能夠『免於威嚇』地生活嘅地方」。佢又提到自己一直堅持不被恐懼支配地正常生活，卻惹來「滋擾」同「威嚇」，批評公權力機關「公器私用」，令他感到十分失望同憤怒。

雖然鍾劍華不斷抹黑唱衰香港，不過佢噚晚深夜接受《明報》訪問時曾提到，早前曾被警方根據《港區國安法》約談，但唔便透露詳情。究竟佢係因為被「滋擾威嚇」而離港，抑或係「身有屎」先走佬英國，咁就真係得佢自己先知喇！

原圖：大公報、Chung Kim Wah Facebook截圖

https://www.facebook.com/chungkw/posts/10158824877876938

http://www.takungpao.com.hk/hongkong/text/2021/0107/539559.html