暴亂黃徒犯法入獄合情合理，受刑完畢當然會放監，不過感覺好似啱啱入去無耐，轉個頭就到期放監了。

講緊嘅係「本土民主前線」前發言人梁天琦，佢因為2016年嘅旺角騷亂案，喺2018年被判囚6年。計計條數，應該2024年先出得返嚟，但聽聞佢喺裡面行為良好，可以減刑期三份一，七除八扣，下個星期三就可以出獄。真係光陰似箭，話咁快就踎完。

作為反對派有號召力嘅頭面人物，出獄後嘅動向令人擔心，立法會議員梁美芬去年10月亦對保安局提問，呢一類政治人物出獄，當局會點樣應對？保安局局長鄧炳強當時就回應，話任何人犯法、尤其係違反國安法，都會嚴肅處理。

有消息就話，梁天琦一直希望盡早離開監獄，同家人團聚。有梁天琦身邊人士估計，佢踎咗4年之後，對好多事情都有唔同睇法，估計出獄後會低調生活。

阿琦，過完4年精彩人生，出嚟要好好做人喇！

原圖：星島日報

https://std.stheadline.com/realtime/article/737893/