所謂「移民」，顧名思義即係指人口喺空間上流動嘅現象，以一般廣義認知嚟講，即係由一個國家跨境到另一個國家定居，通過官方手續成為當地法定居民，當然潛逃海外尋求庇護嘅黑暴份子就另計啦；至於狹義嚟講，你由新界搬九龍都可以叫移民。

「移民」自古有之，雖然黃友經常向深愛祖國嘅海外華僑叫囂「愛國做乜要移民」，但其實選擇移民與否，同愛唔愛祖國絕對冇直接關係，可能係為個人前途，亦可能為子女教育，也可能為家人治病，甚至可能只係純粹因為你鍾意食當地嘅菜式，一切都只係個人選擇，唔應該被道德綁架。

而對部份黃黑份子嚟講，「移民」幾乎可與「逃亡」掛上等號，佢哋可能根本就冇面臨任何控罪，但正所謂自己知自己事，佢哋做過啲乜，自己心知肚明啦，為免夜長夢多唯有「移民」保平安，對於呢種因畏罪而潛逃嘅，筆者稱之為「疑氓」。

「疑氓」者，「可疑的流氓」也。呢種人因各種不可名狀嘅原因而選擇離鄉別井，十分疑；至於到底佢哋因為乜嘢原因而較腳，你知我知單眼佬都知，唔係流氓係咩啊？可笑嘅係，呢班「疑氓」捨棄中國香港人嘅身份，卻依然以中國香港人自居，在外招搖撞騙，影衰14億炎黃子孫形象；呢種食碗面反碗底嘅「疑氓」，留佢喺香港浪費公共資源，真係早走早著，好彩歐美諸國扮大方幫手回收垃圾，但「疑氓」下場將會如何，大家儘管放長雙眼，食住花生睇好戲！

原圖：星島日報

https://std.stheadline.com/realtime/article/1498855