香港大學為免觸犯國安法網，早前向支聯會清盤人發律師信，要求喺今個月13日下午5點之前，移除以所謂紀念「天安門事件」為名嘅乜鬼嘢「國殤之柱」，但如今大限已過，碌不雅之柱卻仍然豎立於港大校園之中耀武揚威，簡直令人憤怒！
碌柱製作者高志活(Jens Galschiot)早前抹黑港大，聲稱移除雕塑做法有如「意大利黑手黨」，咁無恥嘅說法都講得出！其實港大一早就出通知話要拆走碌柱，畀晒時間你唔去拆，仲話要追究港大移除碌柱時可能造成嘅損傷云云，貫徹黃友一貫風格，根本係惡人先告狀！
事實早已證明，同黃友講理係唔會有用，一個丹麥人咁「關心」中國內政，明眼人都知佢想點。雖然高志活聲稱碌柱嘅擁有權屬於自己，但既然碌柱霸佔緊港大校園嘅土地，咁港大就自然有權移走「洋垃圾」，外人無權置喙。
既然畀足機會，高志活都仲未將碌柱拆走，就唔好怪港大唔客氣，好應該果斷出手，唔好再忍讓，即時令件「洋垃圾」消失。
原圖：星島日報
投票已截止，多謝支持
返回
