為己為人，接種疫苗，齊心抗疫！衞生署衞生防護中心傳染病處主任張竹君昨（22日）於疫情記招上，苦口婆心同大家講疫情問題，直言本港要「清零」較難，因現有初步確診個案屬本地個案，證明仲有社區傳播鏈。她相信病毒唔會走，但我哋唔可能長期戴口罩，亦冇可能長期保持社交距離。她坦言，大家想早日回復正常生活，「唯一可做的是疫苗」。

疫苗覆蓋率較高 疫情消退較快

當日盼星星盼月亮要疫苗救命，而家有咗疫苗，但香港接種率一直徘徊。張醫生表示自己打咗復必泰，直言以前大家努力研發疫苗，但而家疫苗已經有了，「我就唔知大家等緊啲咩囉」。她呼籲大家快啲接種，增強群體免疫力。佢提到英國、以免列等國疫苗覆蓋率較高，疫情退得較快。

張醫生講得好有道理！香港人想真正清零，想打倒疫魔，要靠每個人踏出一步，否則到時通關，如果咁多人未打疫苗，香港分分鐘又會「淪陷」！身體情況OK嘅香港市民，請好好思考吓張醫生嘅問題啦！

原圖：星島日報

https://std.stheadline.com/realtime/article/1328455/