教協話你知，有四成教師想走人？黃色教協近日做咗個網上調查，對象係中小學幼園以至特殊學校的教師及校長，獲得1178個回覆，結果發現一大堆受訪者想辭職或者提早退休喎。

調查顯示，受訪者中，多達19.2%教師計劃辭職或提早退休，並離開本港教育界；另有21.1%傾向離開，但就未有具體計劃。

離開嘅主因係乜？教協嘅問卷喺呢方面梗係好貼心有問埋。喺474個受訪人士入面，71.1%嘅人歸咎於「政治壓力日增」；「不滿本港的社會狀態」嘅有55.3%；「不滿本港的教育政策」嘅則有38.6%。

教協促即停政治干預？！

教協義正辭嚴話，調查結果反映當局令教師、學校感受到政治壓力，仲要求立即停止政治干預添。

究竟係黃教師政治化先，還是政府用政治手段先？相信經歷過黑暴、見過咁多單有關黃教師投訴嘅香港市民，心裡一清二楚！要走就趁早，越早越好，唔該你哋快啲騰返個位畀有教育熱誠嘅好老師吧！

原圖：星島日報

https://std.stheadline.com/realtime/article/1274981/