新年伊始，又到咗總結過去、展望將來嘅時候，鼠年做過好多嘢，難免做過些許憾事，但思前想後，唯一最無悔嘅，就係撐警！

前年嘅黑色暴亂，將香港警察推到風口浪尖，雖然話之前執法者一直都存在喺大家身邊，但香港真係實在太過安全，香港人早就已經習慣咗安逸嘅生活，自然唔會對警察有太多關注。直至反修例暴亂，先至令香港人意識到，原來「警察」兩隻字並唔係一份職業咁簡單，呢套制服更加係代表緊一份使命、一份責任、一份承擔。

如果有人以為警察只係負責「止暴制亂」，咁就真係大錯特錯！鼠年之初新冠疫情爆發，黑暴未止，警察除咗要平亂，仲要幫手防疫，做埋「罷工」醫護嗰份；即使係國安立法、黑暴消散之後，警察仍要面對黃營政客諸多刁難，喺各區區議會上力抗黃友；就連近日封區檢疫，亦少不了執法者嘅身影。原來除咗治安之外，政治、民生，統統都關警察事。

香港警察喺香港人心目中，根本就係等同「超人」嘅存在，咁你話喇，撐警，有乜可能後悔？撐埋呢個牛年，撐埋下一個牛年都無悔呀！

原圖：香港警察Facebook圖片

https://www.facebook.com/HongKongPoliceForce/photos/3840910325996903