「已完」兼民主黨前成員許智峯早前棄保潛逃，已成逃犯，仲話可能永遠唔返香港，而其區議員辦事處已經空置，但其區議員薪金及辦事處津貼仍獲政府繼續發放，此事令社會及政界非常不滿，有政界人士批許畏罪潛逃明顯已違反法例，倡當局取消許員資格及停發放薪津。

《文匯報》就此事查詢民政事務總署，民政事務總署回應時表示，需檢視發放酬金、津貼同償還款額畀許智峯嘅安排，以確保公帑嘅妥善運用及符合《指引》。

當局放任 則浪費公帑

政界倡盡快革除資格兼停出糧，民建聯立法會議員梁志祥斥許智峯身孭多罪又潛逃，明顯已經冇資格做議員，要求當局勿再支付其任何薪津，又指有關部門應該立即採取行動，稱如當局採取放任態度，則係浪費公帑。

而香港政協青年聯會常務副主席陳志豪則指要革除許議員資格，兼停止發放薪津，又指許著草但無即時解除議員資格，即係再次證明現行規管區議員嘅機制存在漏洞，倡政府要盡快研究修例。

一個棄保潛逃嘅人，仲保有區議員身份，而唔再開門嘅區議辦仲有得出糧，實在離奇！要求立即DQ及停薪！

原圖：無綫新聞截圖、港台新聞圖片

https://news.rthk.hk/rthk/ch/component/k2/1536551-20200708.htm