日前壹傳媒公佈，肥佬黎「彈出又彈入」，調任執行董事兼留任集團主席，聲稱要加強領導「抓住所有商機」云云。72歲的肥佬黎，非單沒有保持低調，反而搞作頻頻，好一副「亂港戰鬥格」。

當中近日矚目「鉅獻」，莫過於肥佬黎粉墨登場，聯合各大反對派KOL發起「訂閱蘋果」行動，以「言論自由」為名，課金斂財為實，擺明車馬大發亂港財。有曾任職他旗下報刊的朋友，都不齒他所為，說：「佢成日話咩自由市場經濟，做啲料咁差咁多水份，愈來愈少讀者根本就正常不過，依家佢學人搞黃色經濟圈，要人捱義氣課金，自打嘴巴。」

言論自由為名 課金斂財為實

朋友又透露，肥佬黎一直「好慷（他人之）慨」，「送錢資助泛民不特止，過去咁多年仲送咗唔少廣告版位畀白鴿黨添。既然佢都當版位係散紙，咁點解仲叫人擺低銀紙？慳啲使啦！」

有另一「過來人」朋友更直言癡心錯付：「老實講，我係早期畀過錢訂閱嘅，新聞質素麻麻都算了，最慘係佢啲IT問題多多，畀咗錢有時都會睇唔到，唔通我仲要繼續做傻仔奉獻咩？」筆者借用網友評黃店餐廳難食時的一句：「黃藍是政見，好食是良知。」連警訊都話騙徒手法層出不窮，所以奉勸大家，課金前，先諗真。

原圖：大公報

http://news.takungpao.com.hk/hkol/topnews/2015-12/3257230.html