上月19日至今，一共有16名警員被捕，一名警署警於7日涉嫌私吞25公斤冰毒被捕，另有9名深水埗警區特職隊警員8日因涉嫌「妨礙司法公正」及「公職人員行為失當」被捕，一哥鄧炳強對此害群之馬感到非常憤怒，昨晚向全體警員去信，除批評害群之馬外，更為同事血汗可能要白流而痛心。

一哥昨晚透過內聯網向全體警員發公告，譴責有害群之馬令警隊蒙羞，又指警隊在過去10個月，在維持香港治安及守護法治竭盡全力，但近日卻有警員接連被捕，一哥表示身為處長，佢為害群之馬嘅惡行令警隊蒙羞感到憤怒，斥被捕警員嘅行為嚴重打擊市民對警隊嘅信心，令警隊過去嘅努力幾近付諸流水，同時但更加為其他同事嘅血汗可能要白流而痛心。

望同袍們迎難而上

一哥強調，警員嘅一言一行共同建構出警隊名聲，建立聲譽係要經年累月，但市民對警隊嘅信任摧毀，可以只在一瞬之間發生。一哥期望同袍們可以迎難而上，以身作則，克己慎行，為捍衛香港警察嘅榮譽而努力。

絕不容害群之馬，望警隊查個水落石出！同時，警隊嘅付出同努力，大家有眼可見，齊心撐執法者！

原圖： 香港電台圖片、星島日報