新冠肺炎重災區逐漸西移，繼意大利之後，西班牙因感染COVID-19死亡的總人數也超越3434人，多過中國，成為全球第二。

此時此刻，當地一間名為卡洛斯三世健康研究所（ISCIII）的研究機構分析咗16000宗冠狀病毒病例，當中男性佔52%，同女性差不多，但再睇最終病死嘅566人，竟然有多達376係男人，比女死者嘅190多接近一倍！

究竟點解病毒殺男多過殺女一倍？西班牙衛生部健康警報協調中心主任費朗多·西蒙(Fernando Simón)就指出，因為COVID-19影響較大嘅人包括有高血壓、患呼吸系統疾病，或者糖尿病患者嘅死亡率都比較高。而呢啲疾病對男人嘅影響從來都係大過女人，所以男性死者多過女性係正常嘅。

事實上，研究顯示最終病死或需要深切治療嘅新冠肺炎患者中有高達74％本身已患有某種疾病。所以面對疫潮，大家真係要加倍關注家中長輩同長期病患者！無論男女都要好好照顧，大家一齊度過難關啊！

原圖：無綫新聞截圖