新冠肺炎爆發，而且可以透過口水播毒，市民為「染毒」除謹記戴口罩，同時亦避免到多人嘅地方，喺呢個人心惶惶嘅時期，有餐廳竟讓客人飲二手飲品，據《東網》報道，涉事餐廳為壹傳媒創辦人黎智英次子黎耀恩所開嘅「四季常餐」。
有客人喺26日下午1時左右光顧位於威靈頓街嘅「四季常餐」，客人當時嗌咗杯凍檸茶走甜，但飲過發現太甜，要求侍應更換，誰知該名客人發現侍應將其所飲過嘅凍檸茶放入雪櫃，隨後又拎畀其他客人飲。
該名客人即時質問侍應，點解喺呢個時勢仲咁做，表示自己有飲過該飲品，批評侍應「有無搞錯」，而侍應竟反駁指自己不知客人飲過該飲品，客人反問指，如果自己冇飲過，又點會知杯嘢並非走甜？「四季常餐」其後跪低，在Facebook認錯向客人致歉，表示會為嚴重失誤負上全責。
去茶餐廳食飯見到呢一幕定必嚇親，「四季常餐」嘅做法真人覺得噁心又離譜。
原圖：星島日報、「四季常餐」Facebook截圖
投票已截止，多謝支持
返回
