陳日君又想學楊岳橋咁吹捧「精彩人生」？天主教香港教區榮休黃色主教陳日君忽然醒起因參與違法佔中而被判囚嘅年輕人，走咗去探監，之後仲講到青年踎監係好事咁，話係成長過程嚟喎，唔知係攞景定贈慶呢？

陳日君日前出席港台節目，抹黑「一國兩制」，次次出親嚟都搏晒命抹黑中國，真係離譜！而「政治主教」提到違法佔中時，佢自言探完在囚青年後，覺得對方堅強又和平，覺得佢哋會有將來，又叫佢哋唔使心急，話現時係成長緊云云。嘩，講到坐監好似好偉大，學到好多嘢咁喎，咁佢哋使唔使同你講句多謝？

繼續荼毒青年人

之後陳日君又荼毒其他青年人，話就算佔中可能會令人害怕都好啦，但長遠而言會有好效果，會至少引起國際注意喎！反對派喺推人犯事、入獄呢方面，可謂出晒口水。

陳日君扭曲事實嘅能力真係一絕呀，死都畀佢講番生咁，佢真係以為講精彩人生就可以代表一切，真係好笑！

原圖：大公報

http://news.takungpao.com.hk/paper/q/2017/0822/3485401.html

http://news.takungpao.com.hk/paper/q/2015/1122/3240768.html