林子健自嘲係賤男「大話精」？咁話自己，使唔使食個包令自己開心吓？林子健自被判刑後，忽然成為「人生慘情KOL」，瘋狂在Facebook上自命可憐，最新作係話自己講真話卻被標籤成賤男「大話精」(大家信唔信？)，仲指自己「原來唔靚仔都是罪」。最後仲學足文人，用超脫俗世眼光話︰「别人笑我太瘋癲，我笑他人看不穿。」

林︰我笑他人看不穿

釘王報假案罪成，即時釘蓋，被法庭判囚5個月。本來在Facebook上作「最後回應」，亦都變成「死唔斷氣」。今日，佢又嚟講自己又幾可悲，認為自己人生「是一套黑色幽默的電影」，自命受害人，「反而成為一個犯」，仲標明「原來唔靚仔都是罪」(大家懂的)。之後就引用名人之言及經歷自比。

講完一大堆慘事，林生話自己「沒有埋怨甚麼」，只是「嘲笑命運所帶來際遇上的諷刺」，最後仲要唐伯虎上身︰「别人笑我太瘋癲，我笑他人看不穿。」

睇完釘王「廢苦之言」，小編想借用歌詞一句︰「不懂你的黑色幽默！」

原圖︰無綫新聞截圖，網絡圖片