多得美國侵侵總統驚死「一哥」地位受威脅，千方百計打壓我國，反而激發起我哋中國人嘅發奮圖強之心，以擺脫老美制肘！中國近年喺科研發展上屢有重大突破，繼中國芯同衛星系統後，依家就連固態硬碟(SSD)都可以自己整，唔使再靠進口！

喺呢個資訊爆炸嘅時代，數據儲存技術變得愈嚟愈重要，偏偏中國市場上嘅儲存設備，過去幾乎100%依賴進口，唔係來自美國就係日韓，處處受人制肘又點會好過？好在依家中國紫光集團實現「零的突破」，成功研發100%中國製嘅自家SSD，更已經可以量產化推出市面！

讀寫速度高達每秒500MB

據悉，國產紫光SSD已經開始出貨，兩種款式分別支援SATA同NVMe (編按：連接傳輸的規格)。大家最關注嘅，當然係國產SSD與外國SSD嘅性能比較啦！經網民測試後，發現國產SSD讀寫速度高達每秒500MB，性能比三星850EVO更勝一籌，雖然同三星今年最新嘅970EVO仍有相當差距，但依家中國科研發展勢頭正勁，相信要追上甚至超越國外技術指日可待！

外有美帝處處打壓，我哋中國人更要自強不息，唯有將重要技術掌握喺自己手中，先唔會輕易受到霸權傷害。Share話畀全世界知炎黃子孫自強嘅決心，一齊畀Like撐國家科技自強！

原圖：網絡圖片